انت ابوك مات ؟

فى احد الأيام سألنى احد الاصدقاء
هل مات والدك ؟
هل جربت هذا الاحساس من قبل ؟
لو ما جربتش الاحساس تعال اوصفه ليك

من وقت للتانى يختفى من حياتك من كان سببا فى حياتك
يختقى وبيسيب وراه مئات الذكريات اللى بتملى عقلك وقلبك
يختفى فجأة بدون سابق انذار
وهذا هو الموت
دائما يأتى على على غفلة لا يفرق بين كبير وصغير

بتصحى على خبر مزعج
واكبر صدمة ليك فى حياتك
بيقولولك ان ابوك مات وانت لا تصدق
ده كان معايا امبارح بليل وسهرانين مع بعض
كنا بنتكلم عن احوال البيت
كان عمال يضحك
مش معقولة

اللى ما بيعرفهوش كتير من الناس
او بيعرفوه بس نسيوه كتير منهم
ما بنعرفش قيمة الشئ الا لما نفقده
وانت ما بتعرفش قيمة ابوك
الا لما تفقده
لما يدفن وسط التراب
وسط ذهولك وبكاء الناس حولك
وساعتها وانت بترجع الذكريات
بتسأل نفسك سؤال
سؤال واحد فقط

هو ابويا مات وهو راضى عنى ...؟

هو فاكر كل اللى عملته معاه وغلطاتى
فاكر لما كنت بتخانق معاه
فاكر لما كنت بعلى صوتى عليه
ولا مات وعفى عنى كل اخطائى
عفى عنى بقلبه قلب الاب الرحيم
قلب الاب اللى عمره ما يزعل من ابنائه ابدا
وعمره ما يشيل جواه ضغينة منهم ابدا
ولو عفى عنى هعرف ازاى انه عفى عنى ؟
ولو ما عفاش هكفر ازاى عن اخطائى ؟

ياريت يا جماعة كل واحد فينا يفكر فى الموضوع
يفكر انه ممكن يكون قاعد مع ابوه وفجأة يلاقيه راح
انت مهما عشت الاحساس مع صاحبك مثلا لما يموت ابوه
ومهما كنت بتقدر موقفه وزعلان على زعله
عمرك ما هتحس اللحظة دى والموقف الا لما يموت ابوك
وربنا يطول فى عمرهم كلهم ويحفظهم لينا

ياريت كل واحد من اللحظة دى
يطلب رضا ابوه
ورضا والديه عموما
والام ايضا الكلام عليها
قبل ما تصحى فى يوم من الايام
وتلاقى الخبر المزعج
الخبر الحزين
الصدمة

ابوك مات

موضوع دار فى بالى وحبيت اذكر بيه الناس
ونسألكم الدعاء بالرحمة لكل موتى المسلمين

تقبلوا تحيتى