اعدام برى

موضوع: اعدام برى 22.11.07 10:23

هذه هى حكاية .. البرئ الذى حكم عليه بالاعدام داخل قسم العمرانية ..

بأيدي لا تعرف الرحمة .. اسمه احمد صابر سعد .. 22 سنة .

. مات فى مستشفى الهرم بعد ان ذاق من العذاب داخل القسم ما لا يتحمله بشر ..

رغم انه لم يرتكب اى ذنب سوى انه مواطن مصري ..!

اعذروني قد اكون تسرعت فى كتابة ما دار بخاطري و قد يكون ذلك قد اثر علي القصيدة

لكن كان يجب ان اتناول القضية و هى فى بدايتها حتى لا انشغل بشئ اخر

و الغريبة إنه برئ..,

الغريبة انه برئ .. و لا كان فــ يوم عليه قضية

اصدر الظابط قرار .. اعدام فــ قسم العمرانية

و يا ريتها كانت مشنقة .. لكن قراره يموت بطئ

بتهم كتير متلفقة .. و الغريبة انه برئ

ظابط و فاضى .. و فــ بلدنا اللى يفضا يبقي قاضى

يعني يعدم او يعاقب .. و المصيبة فــ اللى راضى

اللى داق انواع عذابه .. و اللى يتذل لجنابه

و اللى يطلب يوم حمايته .. يتلعن أم اللى جابه

يتضرب ضرب الكلاب .. يترمي فــ وسط الطريق

جوا يلحس فــ التراب .. و الغريبة انه برئ

نبقي عارفين اللى صابه .. يقولوا عمره و انتهى

أيوه ضربه .. بس سابه .. و روحه طلعت وحدها

الاسم : احمد ابن صابر ابن سعد

مات فى قسم العمرانية .. قتل عمد

" يا صغير ع الجراح .. يا ضنايا يا حتة منى"

" العمر فــ ثانية راح .. كان جوا عيوني نني "

" و من مين هاخد حقي و هو القاضى و الجانى"

دى أم بتبكي و بحرقة و دمع عينيها بكاني

تبقي خابت لما ظابط ييجي يوم يعمل جرئ

ينطق الحكم النهائى .. و حكمه كان .. إعدام برئ